LibreOffice 4.1 32/64 bits instalatzaile arretagabekoa

Aurreko post batean Libreoffice arreta gabe nola instalatu azaldu nuen: Software librea Erakunde Publikoetan III :Libreoffice

Garai horretan tranpa txiki bat egin behar zen. Ordenagailu guztietan  erabiltzailearen profila egokitu beharrean  bat sortu eta ordenagailu guztietan kopiatzen genuen.

Oraingoan profila sortzen duten fixategiak aldatuko ditugu. LibreOfficek xml lengoia erabiltzen du , beraz xmlstartlet (http://xmlstar.sourceforge.net/) tresna erabiliaz fitxategi hauek gure beharren arabera aldatuko ditugu.

Hedapenak erabili behar bagenitu, skript hau erabil genezake ere, baina kasu honetan ez genuen inork aldatzerik nahi eta horretarako hedapena zuzenean LibreOffice instalazio karpeta kopiatzen baldin badugu “ezingo” litzateke aldatu.

Instalatzaileak honako hau egiten du:

Xmlstartlet Programa bilatzen du. Ez badu aurkitzen irtetzen da

Profilaren babeskopia egiten du eta gero profila ezabatzen du garbi uzteko.

Libreoffice 4 karpeta dagoen begiratzen du, registry eta Libreoffice 4 karpeten bide-izenak gordetzen ditu, karpetaren arabera 32 bits edo 64 bits den ere jakingo du 

Ez baldin badu karpeta aurkitzen bukaerara joango da eta libreoffice instalatuko du.

Hedapen berriak ez baldin badaude instalatzen ditu.

main.xcd eta write.xcd fitxategien babeskopia.

Libreoffice-ren ezarpen orokorrak aldatzen ditu:

Eu= Ezarpen lokalak euskaraz

Eu= Interfazea Euskaraz

Pdf= Pdf Hybrid, libreoffice-rekin editatu daiteke

Inprimagailuaren ezarpenak dokumentuan gordetzea kendu.

Txantiloi normalaren kokalelua bilatzen du eta horren arabera bide-izenak:

Dokumentuak gordetzeko unitatea= file:///X://

Txantiloi lehenetsia ezartzen du= file:///X:/Txantiloiak/Libreoffice/lehenetsia.ott

Libreoffice instalatzen du. Euskaraz eta gazteleraz, ez da eguneratuko, Microsoft fitxategiak irekiko ditu eta ez berrabiarazteko eskatuko du

Laguntza gazteleraz

Laguntza euskaraz

“Script”-aren hasierara bueltatzen da.

“Script” Hau exekutatzerakoan erabiltzaile berriei libreoffice instalatuko zaie, ezarpen pertsonalizatuekin eta hedapen lehenetsi batekin.

Hurrengo lerrotan skriptaren kodea partekatzen dut norbaitentzat erabilgarria izango delakoan

Irakurtzen jarraitu…

Atalak:Windows Laburpen-hitzak:

Mahaigaina karpeta berreskuratzen

2014/02/23 Iruzkin bat utzi

Minutu bat eta nahikoa izan da haurra ordenagailua erabiltzen hasteko eta Mahaigaina karpeta ezabatzeko. Normalki mahaigaina karpeta garbia edukitzen dut eta ez ditut daturik galdu baina berriro sortu dudanean karpeta ikonoa gabe azaltzen zen.

Terminala ireki eta hau idatzi dut:

gedit ~/.config/user-dirs.dirs

Eta honako hau agertu beharko litzateke:

# This file is written by xdg-user-dirs-update
# If you want to change or add directories, just edit the line you’re
# interested in. All local changes will be retained on the next run
# Format is XDG_xxx_DIR=”$HOME/yyy”, where yyy is a shell-escaped
# homedir-relative path, or XDG_xxx_DIR=”/yyy”, where /yyy is an
# absolute path. No other format is supported.
#
XDG_DOWNLOAD_DIR=”$HOME/Deskargak”
XDG_TEMPLATES_DIR=”$HOME/Txantiloiak”
XDG_PUBLICSHARE_DIR=”$HOME/Publikoa”
XDG_DOCUMENTS_DIR=”$HOME/Dokumentuak”
XDG_MUSIC_DIR=”$HOME/Musika”
XDG_PICTURES_DIR=”$HOME/Irudiak”
XDG_VIDEOS_DIR=”$HOME/Bideoak”

Guk mahaigaina karpeta gehituko diogu:

XDG_DESKTOP_DIR=”$HOME/Mahaigaina”

Bukatzeko nautilus itxiko dugu:

killall nautilus

Atalak:Linux Laburpen-hitzak:, ,

Teklatuaren hizkuntza aldatu

Ubuntu 13.10 erabiltzen ari naizen ordenagailu honetan ez dakit zergatia baina azkenaldian teklatuaren hizkuntza askotan aldatzen zait. Errua nirea dela argi dago baina ez dut asmatzen  hizkuntza aldatzeko tekla konbinazioa, ezta sistemaren ezarpenetatik aldatzea ere, beraz, azkarrena egitea erabaki dut, terminala ireki eta idatzi:

sudo setxkbmap -layout ‘es,es’ -model pc105

 

Owncloud eguneratu

owncloud6

Laister kaleratuko da  Owncloud bertsio berria. Bi hilabete pasa dira alpha1-en berri izan genuenetik eta hurrengo astean argitaratu nahi dute azken  bertsioa . Aldaketa ugari ekarriko ditu. Nabarmenena, dokumentuak partekatu eta elkarlanean editatu ahal izatea da. Lehendabizko bertsio hau, hala ere, guztiz erabili daiteke, baina oraindik arazo batzuk ditu dokumentuetan dauden irudiekin eta formatua galtzen du.

Ldap  konfiguratzeko laguntzaile berri  batekin dator baita ere. Nik ez dut lortu martxan jartzea, erabiltzaileak aurkitzen dizkit baina ezin dut webgunean sartu.  Azkeneko bertsioarekin eta Mysql erabiliaz problemarik gabe.

Beste aldetik itxura pixkat aldatu da, egutegia eta kontaktuetan aldaketa txiki batzuk aurkituko ditugu, Jarduera aplikazioa sortu dute,etab…  Beste aplikazio askok ez dute funtzionatzen momentuz.

Oraindik ez da azkeneko bertsioa eta espero dut arazo txiki hauek konpontzea, baina gaurko postan owncloud eskuz nola eguneratu azaldu nahi nuen. Eguneraketa txikiak egiteko balio du bakarrik. Bertsio eguneraketa beste modu batean egin beharko da, beraz,  ez du balio owncloud 5-etik Owncloud 6 bertsiora aldatzeko.

sudo wget http://download.owncloud.org/community/owncloud-6.0.0rc2.tar.bz2
sudo rsync -a hodeia/ hodeia_bkp`date +”%Y%m%d”`/
sudo mkdir hodeiabkp; sudo tar -C hodeiabkp -xjf owncloud-6.0.0rc2.tar.bz2
sudo rsync –inplace -rtv hodeiabkp/owncloud/ hodeia/
sudo rm -rf owncloud-6.0.0rc2.tar.bz2 hodeiabkp/

Atalak:Linux Laburpen-hitzak:, ,

Owncloud. Thunderbird

Orain dela urte bat inguru  exchange zerbitzaria eta thunderbird nola  sinkronizatu azaldu nuen. Orain antzeko pausuak egin beharko ditugu baina kasu honetan ez dugu davmail beharko. Zuzenean webdav erabiliaz sinkronizatuko dugu.

Lehendabiziko gauza. Thunderbird-en bi hedapen hauek instalatzea:

Eginda daukagunean thunderbird berrabiarazi beharko dugu.Orain firefox irekiko dugu eta owncloud-en barruan sartuko gara. Egutegia aukeratu. Eskubi aldean ezarpenak botoia sakatu. Mundua dirudien ikonoan zapalduko dugu eta helbidea kopiatu egingo dugu.

Thunderbird irekiko dugu eta menuan:Fitxategia – Berria – egutegia-sarean. Caldav aukeratu eta owncloud-en kopiatu dugun helbidea hemen itsatsiko dugu. Lineaz kanpoko laguntza markatu, offline gaudenean gertaerak mantentzeko. Bukatzeko “Hurrengoa” sakatuko dugu. Egutegiari izen bat eman, nahi izanez gero kolorea aldatu eta  Gogorazleak markatuko dugu, honela amaituko genuke.

Kontaktuak sinkronizatzeko lehendabizi kontaktuen kokapena beharko dugu. Owncloud irekiko dugu. Kontaktuak aplikazioa ireki eta ezarpenak botoian klik egin dugu. Mundu itxura duen ikonoan klik egin eta kokapena kopiatuko dugu. Thunderbird ireki eta menuan – tresnak – helbide liburua. Helbide liburuan irekiko da. Orain Fitxategia – berria – Remote Address book.Izen bat emango diogu eta lehen kopiatutako helbidea hemen itsatsiko dugu.

Honekin Owncloud-eri  buruzko gidatxo hau bukatutzat ematen dut

Hausnarketa

Owncloud  oso interesgarria iruditu zait. Ez soilik, etxean , familia edo/eta lagun artean edukitzeko. Enpresa baterako aukera polita da. Azkenaldian edonon ikusten ari naiz enpresa askok google erabiltzen dutela egutegiak partekatzeko edo/eta web orrian zintzilikatzeko. Google apps aukera polita da baina datuak ez daude gure esku. Zerbitzari bat muntatu edo alokatu eta wordpress owncloud-ekin batera instalatuta aukera oso ona izango litzateke.

Nahi duenarentzat  gida osoa eskuragarri hemen : Owncloud

 

Atalak:Linux Laburpen-hitzak:, , , , ,

Owncloud. Aplikazioak eta mugikorra sinkronizatzen

Aplikazioak ezkerrean ikusiko ditugu. Bata bestearen azpian. Batzuk gaituak edukiko ditugu eta besteak gaitu ditzakegu. Interesgarrienak komentatu eta mugikorrarekin nola sinkronizatzen den azaltzen saiatuko naiz. Lehendabiziko gauza mugikorrean aplikazio bat instalatu beharko da: F-droid ( android-erako software libreko “repositorio” bat). Aplikazio batzuk hemendik jeitsi beharko ditugu. Google play erabiltzen baldin badugu ordaindu egin beharko dugu aplikazio berdinagatik. Jeitsitako aplikazioa interesgarria iruditzen baldin bazaizue , ordaintzeko aukera hor dago;)

Fitxategiak

Aplikazio hau, fitxategiak igotzeko, kopiatzeko, jeisteko, etab-erako erabiltzen da.  Berez ezin dira fitxategiak mugitu baina horretarako  owncloud aplikazioetatik bat gehituko dugu: Move. Argazkiak zuzenean ireki ditzakegu eta  bideoak ikusi streaming bidez. Odt eta pdf dokumentuak ere irakurri ditzakegu . Mugikorrean ere aplikazio bat instalatu beharko dugu: Owncloud.  Honek gure hodeiarekin konektatzeko aukera emango digu, fitxategiak jeitsi, igo eta sinkronizatzeko. Nahi izanez gero argazkiak automatikoki igo ditzan ahalbidetu dezakegu. Hodeian karpeta berri bat sortuko du automatikoki: SubidasInstantaneas.

Berriak

Rss irakurgailua. Aplikazioetan News gaitu behar dugu. Harpidetzak ezkerraldean agertuko zaizkigu. Goiko aldean Webguneak gehitu ditzakegu eta beheko aldean opml batetik inportatu edo esportatu dezakegu. Oso sinplea da baina nahikoa. Mugikorrarekin sinkronizatu dezakegu aplikazioa hau erabilita: Owncloud News Reader.

Argazkiak

Albun antzeko bat bat. Hemen ikus ditzakegu hodeian dauzkagun argazki guztiak. Aukera bakarra erabiltzaileekin elkarbanatzea izango litzateke.

Musika

Hodeian daukagun musika entzuteko. Streaming bidez. Albumetan ordenatu dezakegu. Sinplea ere baina bere eginkizuna ondo betetzen du. Owncloud-ek ere ampache zerbitzari bat ekartzen du, beraz musika entzuteko erabiltzen dugun aplikazioak plugin egokia baldin badauka gure zerbitzariarekin konektatu ahal izango dugu. Irakurri dut Rythmbox-ek badaukala plugin bat ( oraindik frogatu gabe). Android mugikorrerako Just player daukagu gero plugina instalatu beharko genioke : Just player ampache plugin.

Kontaktuak

Hemen kontaktuak sartuko genituzke. Taldeka eduki ditzakegu. Mugikorrarekin sinkronizatzeko : CardDAV-Sync free beta erabiliko dugu. Oso erraz konfiguratzen da. Kontaktuen kokapena idatzi eta berak bilatuko ditu dauzkagun kontaktu liburu guztiak. Gero galdetzen dizu sinkronizazioa nolakoa nahi duzun: zerbitzaritik hartzea edo mugikorretik igo ahal izatea. Niri ez dizkit kontaktuak zerbitzarira igotzen utzi. Bai alderantzizkoa. Beraz lehendabizi mugikorrean kontaktuak esportatu ditut eta gero kontaktuak aplikazioan inportatu. Behin hau eginda nahiz mugikorrean, nahiz hodeian kontaktu berria ondo gehitzen du.

Egutegia

Primeran dago. Odeiaren erabiltzaileekin elkarbanatzen uzten du. Gertaerak era pribatuan edo publikoan sartu ditzakegu. Edozein egutegian bezala. Hasieran mugikorrarentzako aplikazio hau instalatu nion: CalDAv syn adapter baina gertaerak desagertu egiten ziren, datak gaizki azaltzen ziren  Azkenean aplikazio bat erosi behar izan dut: Caldav Sycn beta. Oso ondo funtzionatzen du. Konfiguratzeko aukera mordoxka dauzka, koloreak, sinkronizazioa nolakoa,etab. Guzti hori bakoitzaren gustura .

Kontaktuak eta egutegia Thunderbird-rekin ere sinkronizatu daitezke. Baina hau hurrengo baterako

Owncloud. Hasierako konfigurazioa eta Ldap

Owncloud gure hodeia izateko web aplikazio bat dela esan genezake. Software librea. Baina ez da soilik fitxategiak igo eta jeisteko, badauzka beste erabilera batzuk: Egutegia, rss irakurgailua, Ampache zerbitzaria ( musika eta bideoa streaming bidez ikusteko aukera).  Nahi izanez gero thunderbird edo/eta mugikorra sinkronizatu dezakegu, argazkiak automatikoki igo, egutegia, etab.

Owncloud irekitzerakoan, eskubian,  erabiltzailearen izena agertuko da. Hemen zapalduta gotibeherako menu bat aterako da:  Pertsonala, erabiltzaileak, aplikazioak, admin, laguntza eta saioa bukatu.

Pertsonala

Erabiltzailearen aukerak konfiguratzeko. Hizkuntza eta kanpoko biltegiratzea dira garrantzitsuenak. Gure hodeira CIFS (samba bitartez partekatutako direktorioak), dropbox eta google drive besteak beste gehitu ditzakegu.

Erabiltzaileak

Hemen erabiltzaileak sortu,  hauek taldeka sailkatu eta baimenak eman diezaizkiekegu. Gure kasuan ez dauka garrantzi askorik LDAP bitartez konektatuko bait gara eta erabiltzaileak Zentyalen konfiguratuko ditugu. Abantaila: Ez ditugula erabiltzaile berriak sortu behar, pasahitza berdina erabiliko dute eta taldeak osatuta daudela.

Aplikazioak

Aplikazio berriak instalatzeko. Hemen batzuk aurki ditzakegu: http://apps.owncloud.com/.

Admin

Hemen aukera orokorrak egongo lirateke. Kanpoko biltegiratzea ere erabiltzaile guztientzako baimendu eta konfiguratu dezakegu hemen, https bidez konektatzera behartu dezakegu, partekatzea nola izango den konfiguratu, kanpoko lekuak gehitu ditzakegu. Hemen ere ldap konfigurazioa egingo dugu.

LDAP Konfiguratu

Lehendabiziko gauza  datuak lortzea. Nire kasuan Zentyal-en daude: Usuarios  y grupos – Opciones de configuración LDAP. Behin datuak ditugula Owncloud irekiko dugu eta aplikazioetara joango gara. LDAP user and group backend aplikazioa gaituko dugu. Gero admin aukeratuko dugu. Eta konfigurazio datuak sartuko ditugu. Adibide gisa:

LDAP BASIC

Hostalaria: localhost

Oinarrizko DN: dc=etxea,dc=lokal

Erabiltzailea DN : cn=zentyalro,dc=etxea,dc=lokal

Pasahitza: dagokion pasahitza

Advanced

Portua : 390

Babeskopia ataka: 390

Advanced barruan -Karpetaren ezarpenak

Oinarizko erabiltzailea zuhaitza: ou=Users,dc=etxea,dc=lokal

Oinarrizko talde zuhaitza: ou=Groups,dc=etxea,dc=lokal

Gero “egiaztatu konfigurazioa”-n zapalduko dugu eta dena ondo dagoela erantzuten badu “save” zapalduko dugu. Orain Owncloud-en “erabiltzaileak” aukeratzean ldap-en ditugunak azalduko dira

Owncloud-ekin oso gustora nabil eta zuku gehiena mugikorrarekin ateratzen diot.  Hurrengoan aplikazio batzuk ikusiko ditugu eta haietako batzuk mugikorrarekin nola sinkronizatu .

Atalak:Linux Laburpen-hitzak:, ,
Follow

Get every new post delivered to your Inbox.

37 harpidedun